حلال ليك حرااام ليها....!!!!

هحكيلكم علي حاجة ضايقتني جداااااا

الحكاية الاولي

واحدة زميلتي مخطوبة
خطيبها بيحكيلها بيقولها انا كلمت بنات قبل كدة بمعني صاحبت بس عمري ما قلت لواحدة بحبك
هل انت شايف عشان مقلتش بحبك يبقي مبرر انك تصاحب
لو فعلا كدة معناها انك كنت بتتسلي ببنات الناس

الحكاية التانية
واحدة زميلتي اخوها بردو كان مصاحب بس لما جيه يخطب اشترط علي اهله انها تكون كويسة ومحترمة يعني عمرها ما كلمت ولد وشاف مرة بنت جميلة عجبته بس مخطبهاش عشان هي كانت مصاحبة

طب ما انت كمان كنت مصاحب ولا هو حلال ليك وحرااام ليها؟؟؟؟

ولو سالت واحدة انتي اتخطبتي لفلان ليه وهو كان مصاحب بنات كتييير
ترد تقول وهو في شاب عمره ما كلم بنت او حتي عاكسها
للدرجة دي خلاص الاخلاق الله يرحمها
بس انا صراحة مقتنعة ان لسة اكيد في شباب محترمة حتي لو قلة

وحاجة كمان لو في ولد مصاحب وعرف ان اختي بتكلم
طبعا هيروح لاخته ويضربها ويقول لاهله طب وانت ؟؟؟؟؟

مش بقول ان البنت زي الولد تصاحب براحتها ولكن زي ما انت بتخاف علي اختك وزوجتك وبنتك
خاف علي بنات الناس

يا تري ايه رايكم في الموضوع دا ؟؟؟