النهــــــــــــارده معادنا مع حلقة جديده من يوميات سحس وسحسايه
هو : مالك مبوزة ليه !
هى : مفيش
هو : لا فيه بقة .. مالك يابت
هى : ماليش
هو : خلاص براحتك
هى : انا مروحة :@
هو : استنى يا مجنونة هوصلك
هى : مش عايزة منك حاجة
هو : الله بقة ماتقولى مالك بدل ماتضربى
هى : هوا النهارده ايه !
هو : النهارده الاربع
هى : اقصد كام ؟
هو : مش فاكر والله يا حبيبتى .. ماهى الأيام كلها شبه بعضها
هى : روحنى دلوقتى حالا مش بهزر
هو : خلاص حاضر .. وصلنا اهو
هى :نزلت من العربية ورزعت الباب وطلعت تجرى على بيتها
هو فضل يضحك : مفيش سلام يا حبيبى
هى :طلعت بيتها ودخلت اوضتها لقيتها مليانة بلالين وهدايا مكنتش مصدقة نفسها ولقيت موبايلها بيرن
هو : أكيد مقدرش انسى اليوم اللي اتولدت فيه حبيبتى .. اكيد مش هنسى اليوم اللي اتخلقت فيه روحى
هى : انت عملت كدة ازااى
هو : عادى بعد مانزلتى اتصلت بحماتى حبيبتى واديتلها الحاجة وقلتلها تدخلها اوضتك
هى : وسايبنى يا جزمة احرق فـ دمى كل دة
هو : بصراحة شكلك جميل وانتى متعصبة كل سنة وانتى معايا يا روح قلبى
هى : وانت معايا يا حبيبى والسنة الجاية نكون فـ بيتنا
هو : عجبتك الهدايا
هى : اى حاجة منك حلوة يا حبيبى .. ربنا يخليك ليا وميحرمنيش منك ابدا .. بحبــَك
هو : وانا بعشقـك 
انتظروووووووونا مع منتدى ابن البلد وتابعونااا فى يومياااات جديده
