1 كوب ماء فاتر (ممكن تحتاجي أكتر)
1 ملعقة صغيرة خميرة
2 ملعقة صغيرة سكر
1كوب وربع طحين
2 ملعقة كبيرة سميد
1/4 ملعقة صغيرة باكينغ باودر
رشة ملح
2 ملعقة كبيرة حليب بودرة
1/2 ملعقة صغيرة فانيلا سائلة
1/2 ملعقة صغيرة ماء زهر
زبدة أو سمنة
قطر (1.5 كوب سكر + كوب ماء + ملعقة صغيرة عصير ليمون
1- أضيفي الخميرة والسكر الى الماء الفاتر وحركيهم واتركيهم جانباً 5 دقائق
2- ضعي الطحين والسميد والحليب والباكينغ باودر ورشة الملح وفي وعاء واخلطيهم
3- أضيفي الماء واخفقيهم باستخدام الخفاق الكهربائي أو يمكن خفقهم باستخدام الخلاط ثم أضيفي الفانيلا وماء الزهر أثناء الخفق(يجب أن تكون العجينة شبه سائلة تماماً مثل اللبن الرايب .. ويمكن زيادة كمية الماء للحصول على العجينة بالكثافة المطلوبة)
4- ضفي العجينة باستخدام مصفاة ذات ثقوب ناعمة في وعاء حتى تشيلي كل التكتلات منها وغطيها واتركيها جانباً مدة نصف ساعة الى ساعة في مكان دافئ ورح تلاحظو انه على وجهها فقاعات دلالة انها جاهزة
5- حمي مقلاة تيفال من النوع السميك (ضروري تكون سميكة من الأسفل) على نار مو نواسة ومو عالية يعني بيناتهم وبتتركي القلاية تحمى منيح شي 10 دقايق
6- حركي العجينة و القطايف عشان تصبيه بتجيبي فنجان قهوة صغير وبتغرفي من العجينة (حسب الحجم يلي بدك اياه بتعبيه "نص فنجان بيكفي للحجم يلي بالصورة وللعصافيري ممكن تستخدمي أي مكيال متوفر عندك بيكفي لملعقتين طعام كبار من العجينة مثلاً ملعقة حليب الأطفال يلي موجودة جوا علبة الحليب
7- بتصبي القطايف من علو يعني بترفعي ايدك عن القلاية مسافة 20 سم عالأقل وبتصبي بمنتصف القلاية ولحالها رح تتكون دائرة عندك
8- رح تلاحظي انه بلشت تظهر فقاعات عالوجه اتركيها عالنار لحتى ينشف كل وجهها وشيليها ورح تكون متحمرة من تحت (اذا ضلت بيضا من تحت معناها النار واطية عليها شوي)
9- بس تشيلي حبة القطايف من القلاية بتحطيها على قماشة نظيفة وبتغطيها حتى ما تنشف أطراف القطايف ويبطل يلزق وبتكملي هيك لتخلصي كل العجينة
10- الحشوة ممكن تكون جوز هند وجوز عين جمل وقرفة أو ممكن تكون جبنة مع فستق حلبي أو جبنة مع زبيب أوجبنة لحالها أو قشطة كله حسب رغبتكم أنا حشيتهم جبنة بيضا مع فستق حلبي وبتحشي كل حبة وبتسكريها
11- بترتبي الحبات بصينية وبتدهني كل حبة بالزبدة أو السمنة من الجهتين وبتخبزيهم بالفرن مع التقليب (شي 10 دقايق كل جهة) و بتصبي عليه القطر وهيك بيكون جاهز
وصحتيـــــــــــن و هنا
[ندعوك للتسجيل في المنتدى أو التعريف بنفسك لمعاينة هذه الصورة] 
دخيل الله قطايف ولي على البي بدي كيليين قطايف معليش بدي عزبك معي همس 